نـادوا سميـك وارتبكـت وتغيـرت

نـادوا سميّـك وارتبكـت وتغيّـرت
كذا ! ولا ادري وقتها ويـش جانـي

سكّت / حتى اتصدّق انـي تباشـرت
كنت احسب انك جيت يمّي .. عشاني

وانا من الموقف ضحكـت وتكـدّرت
وبشايـري مـرت مـرور الثوانـي

مع السوالف يـوم طـروّك سافـرت
سافرت لك وانـا مكانـي / مكانـي

قصّيـت للضيـق التذاكـر وغـادرت
وقدّمـت شكـري للقـدر وامتنانـي

أثر الفراق اصعب من اللي تصـوّرت
بـدت جيوشـه تستحـل المحـانـي

آمالي ان عاشت كـذا مالهـا كـرت
طاحت من عيون البحـور الموانـي

ماني ب ( قايل ) ليه فالوصل قصّرت
وليه انت متقلّـب وهـادم وبانـي !

اقول لك يوم انك ل ( صدك ) اخترت
نسيتنـي .. والا نسانـي زمـانـي

في سكتك واقف .. وفي سيري احترت
قلي / ترى ماعاد لـي عمـر ثانـي

تراي في قيـود الرجـاء ماتحـررت
علّقت فـي ذمتـك .. كـل الامانـي

منقووووول

الله يعطيج العافية على هالنقل الجميل
حده روووووووووعه

كلك ذوووق

نورت الموضوع

لاهنت على ردك ومرورك