تمسكن لين ما تتمكن

السلام عليكم ورحمة الله وبركاته
كيفكم اخواني عساكم طيبون ،،،مدري من وين ابتدي بس راح ابتدي وخلاص من حرقه دمي ولاني ما احب هالاسلوب ولا اللي يتبعوه ،،
بسم الله الرحمن الرحيم ابدا:

امس كنت بالمستشفى انتظر في مقاعد الانتظار شدني حديث بنتين وكان مجمل الحديث
( الاولى : ياستي اصحاب العمل والاملاك دوم يجوكي ناس شايفة نفسها ويبغوا يثبتوا انهم الكل بالكل وان فاهمين كل شئ وكل اللي يدور حوليهم وان كلمتهم راح تمشي ولو على الصخر وهم مو عارفين وين الله حاطهم ، بس على مين ياختي هو بس اسلوب مدح دائم على كم كلمة حلوة على مساعدة ولقافة بكل صغيرة وكبيرة منك واهتمام بزيادة منك لصاحبة العمل ،، تصيري عقلها اللي تفكر فيه وايدها اللي تشتغل فيها وتسلمك الخيط والمخيط يعني تقدري تسوي اللي تبغيه دام
البوس معطيكي كامل الصلاحيات،،

الثانية: والله منتي هينة قدرتي تلفي دماغها عدل .
الاولى: الدنيا كذا تبغي توصلي مبتغاكي تسلطي ونــــــــــــــــــــــافــــقــــي.

هالكلمة رنت زين بعقلي وقلبي وفار دمي ، بس قلت في نفسي صح هذا الواقع وللاسف سواء في الدوام او مجمل الحياة ( تمسكن لين ما تتمكن ) ، مدري اصنف هالاسلوب على انه شطارة ونباهه وذكاء يغطيه اللوم او اصنفها على انه اسلوب خبيث ولئيم سرعان ما يدر على صاحبه بالخسارة وخاصة الخسارة الاجتماعية

راح اعطيكم مثلين لواقعنا ومنها :
شخص يتعامل بانواع النفاق والمحبة الزائفة مع صاحب عمارة سكنية يسكن بها فقط لتخفيض الايجار او اصلاح أي عطل بالمنزل وغيره،وهذا واقع شفته بعيني انواع النفاق والكذب اللي يوجع القلب.

ومثلا: المنتديات ( لانه جزء من حياتنا الاخر ) إذا شارك اداري او مشرف او عضو عزيز بموضوع احد الاعضاء تجد العضو يرحب به انواع الترحيب والعبارات وكيف انه تفضل عليه بالزيارة والرد الكريم والعكس صحيح يعني اذا وضح المشرف او الاداري موضوع ، انا هنا ما اقلل من شان أي شخص مهما كان منصبه لربما كان موضوعه يستحق التواجد والرد ولربما العكس فلما النفاااااااااااااق ؟؟؟
توضيح:
طبعا الكل يعرف الفر ق بين اني احترم شخص واتعامل معه بطبعي وخلقي دون قناع وفرق بين اني ادس انفي في كل صغيرة وكبيرة وادعي العواطف والحب
محد يقولي انه ماعاشر وصادف ناس على نفس هالشاكلة.
· هل انت مع مقولة الفتاة ( إذا تبغى توصل لمبتغاك نااااافق) ؟
· مارايك فيمن اتبع هذا الاسلوب ووصل لما يريده وزيادة كمان ؟

المهم في الاخر حبيت افضفض لكم عن اللي دوم حارق دمي وان شاء الله ما اكون طولت عليكم ، ومعليش كتبته باسلوبي العامي حبيت يكون بسيط ويوصل للكل باذن الله ،،وان شاء الله اجد في قلوبكم وعقولكم متسع لما فاض به قلبي وقلمي

اختكم بين السطور

تسلم ايديكى على الموضوع الجميل ياقمر

يسلملي قلبك

بس كان ودي تتناقشي معي يالغلا

يعني ماودي تكون جميع ردودنا بالشكر فقط ،، بعض المواضيع تحتاج مناقشة

وهالقسم لللمناقشات ،،، على عيني وراسي انتوا والله

يعني ودي نخرج بفائدة للمواضيع جميعا ساعدوني بهالنقطة يسعدكم ربي

كثييير بالزمن دا ماشييييييين بالنفاق
ويظهروا لك عكس الي بقلوبهم
صح احيانا يوصلو لمبتغاهم بنفاقهم
يمكن حياتنا صارت تمشي باسلوب مجامله شوي
بس مااقدر اكون منافقه واظهر عكس مابداخلي لاي شخص
عشان مصلحه واتوقع دا مرض يكون عند بعض الناس
ويش استفيد اوصل لكل شي بس ضميري مايكون مرتاح ولااقدر انام وفي الاخر انفضح
كل شي اقدر اوصله بجهدي وبعقلي
يعطيك العافيه لطرح الموضوع

تسلمين حبيبتي وردك مقنع جدا وواضح

على راسي والله