اهداء خاص للأمهات ..

بمناسبة يوم الأم ..
هذي مسجات حلوه حق الأمهات ..
وبصراحه أنا دزيتهم لأمي واستانست حيل ,,

أتمنى تعجبكم ...

ليتها الأيام تهدى والسنين .. .. مثل ماتهدى الهدايا بالتـــمام
كان يمه كل ماتتـــــقدمين .. .. ثانية بالعمر .. كان أهديك عام

مهما كبرت أبقى بعينك صغير .. .. والقاك في قلبي كبيرة كبيرة
وانتي اذا جارت عليا المقادير .. .. أهلي وظلي والذرى والعشيرة
ياأجمل اسم صورته التعابير .. .. أمي حديث الحب في كل سيرة

هذي"أمي"اللي تواسيني
ومايمر يوم إلابذكرها
وهي اللي أبد ماتخليني
وهي اللي كل طيبة البشر فيها
ولاجيت أحكيكم عنهايعجز لساني
والله ان القلب بالحيل مغليها
ومايقدر على بعدها لو ثواني
وياجعل ربي دوم لي يخليها

ماشافت عيوني من الـناس غيرها ** ولا خلق رب الخلايق مثالــــــــــها
أغلى بشر في جملة النــاس كلهم ** وأكرم من ايدين المزون وهمالها

ياأمي ياغلا الدنيا..واصدق عاطفه في الكون
وادفى حضن يحضني..واكبر قلب يحويني
انا بج دنيتي جنه وبسماتج مطر ومزون
وضحكاتج ربيع اخضر زهوره فتحت فيني
***
اذا شفتج ارى الدنيا..صباح بالفرح مسكون
واذا غبتي عن عيني..يغيب النور عن عيني
عشقتج والهوى طفل..ربى في خافق المفتون
***
كبر هذا الطفل واصبح..غرامه يسبق اسنيني
انا ياأمي ترى مااوفيلج مهما يكون
جميلج دين في عمري..وربي بج اموصيني
ومهما عشتي لج وافي..بظل لج الوافي المديون
لانج روح في قلبي..ودم في شرايني

اوسع من الكون قلبج ياللي سهرتي الليالي
حب الله من يحبج يامن لها اسم غالي
اقرب من الروح قربج ويالام وبلا بدالي
***
انتي السما ونحن شهبج لك منزل فوق عالي
قلب تولع يحبج حبه شريف مثالي
***
درب الهناء يعله دربج ياصانعه للرجال
ويجزيج بالخير ربج عالصبر والاحتمال

أنتي يمه يا أجمل الإحساس من حبك عطيني..
وارسميني للسنين أزهار وانهار غزيرة..
حبك أنتي من عرفته حب طاهر يحتويني..
ووجهك العذري حشا مافيه في العالم نظيره..
يمه لاشفت القمر حسيت وجهك يحتريني..
وكل ماشفت الزهر شميت ريحك في عبيره..
وكل ماهبت هبوب الشرق حطيتك بعيني..

أمي ياأول اسم عشته في دنياي
يا اول اسم تنطق اشفاي طاريه
انتي هوا روحي وبعروقي الماي
عمري بدونج عمر ماعشت انا فيه
ياما لقيتك في شتاء وقت ادفاي
حضنك يدفيني بحنانه وادفيه
وياما مسكتك في عنا الوقت امناي
وخوفن علي من الزمان وبلاويه
انتي نظر عيني وبسمة شفاياي
وانتي هوا قلبي وحبه وغاليه
انت الجميل اللي تعدى عطاياي
لو عشت كل العمر مااقدر اوفيه
تدعين ربك ليسدد لي اخطاي
وارفع انا كفي لله وادعيه
ياربي تمنحني رضاها بدنياي
وان مارضت عني ترى العمر ماابيه

امي مهمه واهم من الاهميه .. .. ابفتخر في محبتها وابينها
كلي لها بجد من راسي لرجليه .. .. اعز من عزها واهين هاينها

اذاتاهت مداراتي لقيت بقلبها مرسى
واذاقل الوفا حولي عطتني الحب بلا منة

ياأمي؛؛
ياللي حبك
موديني وجايب
~كل عام وأنتي بخير ~
ياست الحبايب..!!
لو يتوب القلب
عن حب الناس..
عنك ماهو بـ تايب..!!

يمـّـه كبـرتي وصـرتي أحلـى من العـام
يـاحلو ضحكــات التجـاعيـد بيـديـك

امي اللي قلبهـا عـن كـل قلـب
شفت منها في حياتـي كـل خيـر
امي اللي حبهـا مـن جـد حـب
يا حلات احساسها العذب الغزيـر
ان تعبت النوم يرفـض لا يطـب
عينها حتى تعـرف انـي بخيـر
ان بغيت احسب غلاها ما نحسـب
احسب احسب لكن اغلط في الاخير
هاذي امي قلبها عـن كـل قلـب
ماأقدر اقارب حبها مع حـب غيـر
''كل عام وانتي بألف خير ياأغلى وأحلى أم'':*

اهداء خاص للأمهات .. 65541

ربي لا يحرمني من أمي يارب .. ولا يحرمكم من امهاتكم يارب ..
الله يطول بأعمارهم يارب ..

ما في بعد الام

يعطيج الف عافيه على المسجات الروعه تستاهل كل ام اجمل المسجات

منورين وتسلمون على ردكم الرائع والمنور للموضوع

اقتباس :: ربي لا يحرمني من أمي يارب .. ولا يحرمكم من امهاتكم يارب ..
الله يطول بأعمارهم يارب ..

اللهم آآآآآآآآآآآآآآآآآآآآمين يارب

احترت وش اختار بس كلها روووووووووووووووووعة بجد

وتستاهلها كل ام

تسلمين ياقلبي عساش على القوة

حياج الله .منوره والله بردج ومرورج الرائع اهداء خاص للأمهات .. 65541

» اهداء // ايكونات جديده للمنتدى