غلطانه أمي يوم على الطيب ربتني ,,

اضيق وازعل واخذ
الأمر بعناد..ولا من ذكرتك
انشرح خاطري فيك..!
"وأجيك ناسي ماطرى
لعيني رقاد
"واسهر معك وانسى
جروحي بلياليك..!
وكان الظروف القاسيه
قالت ابعاد!!
أموت والله
وماطرى بيوم أخليك..

------------

وحق الذي خلاني بيوم
اهواك *** ماغاب
زولك عن عيوني ثواني
****
لولا الأمل ماكنت للحين
وياك****
ولولا المحبه ما عرفنا
نعاني****
دامك تعيش بداخلي
كيف بنساك؟
هذا سؤال وحط نفسك
مكاني ****
-------
قلي عن "أخبارك"وكيف
الزمن فيك.؟.؟
وكيف الليالي معاك
ياجعلك بخير.!.!

بعدك يزيد الشوق
ياجعلي أفديك.؟.؟
لك وحشتن من بد كل
البشر غير.!.!
-----------
مدري وش أكتب فيك
أحترت وياك !!
كل القصيد اللي مضى
ما عجبني ..
ودي بقصيده تفتخر في
مزاياك..
وأقول "طيبك"
يا حياتي نهبني ..
وتدري وش اللي
شاقني في سواياك !!
(قلبك كبير) وبالمحبه
سلبني.
-------------
("من عيوني") خذ مراسيل الغرام،،
كان تفهم في لغة حب العيون،،
معك انا ماقدر على لفظ الكلام،،
من غلاك اللي وصل حد الجنون،،
لاتغلى تذبح العاشق حرام،،
يارفيق العمر خلك لي حنون،،
-----------
هلا وغلا بك لو مع الحلم مريت.،
لو زار طيفك ناظري يوم صدفه.،
يا واحد فوق الأماني تعليت.،
قدرك بقلبي يالغالي تعرفه.،
لو لاك في دنيا البشر ماتهنيت.،
الناس في كف وغلاك لحاله بكفه.،
---------
ياللي حرمت القلب مبطي من الصوت،،
لا تحرمه هالحين رد الرساله،،
أيام عمري معك لحظات وتفوت،،
وش تنتظر لاضاع عمري بداله،،
يعني عشان اسمك على القلب منحوت،،
ماعاد تسأل ليه وش هالقطاعه.؟
------------------------
غلطانه أمي يوم على الطيب ربتني
تحسب ناسي مثل ناسها طيبين
قالت سامح كل من عليك يخطي
الناس تخطي وهم عن القصد ساهيين
مسكينه أمي من غير قصد ظلمتني
ما درت إن الطيب وحده المسكين
هذا يا يمه واقع زماني
نفس إلي ضحك اليوم ،،بكره يطعن بسكين
-------------------
>>( البعد أحسن )<<

قلت أبتعد في صمت والهم ينزاح
احسن لنا نبعد بقدر وحشيمة
وارحل ولو بالبعد نسيان الافراح
الغربة أفضل من حياة الظليمة
لا لاتلومون القلب لو صفق اوصاح
قلبٍ غدا مابين همه وظيمه
تعبت من دنياك واليوم برتاح
وان مرتكم ذكراي قولوا قديمه
-----------------------
>>( يا قلب سامحني )<<

يا قلب أنا وياك نار ٍ ودله
من حزنها تشرب وأنا قد تقهويت
أصبر على بلواك والجرح شله
أدري ترى ماجت على ما تمنيت
اعاهدك لهجر عنا الحب كله
ونسى سنين ٍ ماضيه يوم حبيت
وان جا مع الأيام طاريه قله
أني بعيد ٍ عنه من يوم قفيت
--------------------------
>>( انفاس أخيره )<<

ابلفظ انفاسي الاخيره وابرحل
لا مات قلبي عاد لا تنتظر شي
وابدفنه واخفيه في راس هالتل
واعرف مكانه واطمئن مات لو حي
ماعاد ابيه وماابي عنه تسال
اللي جمعني فيك ما عاد له ضي
نوره تلاشى ومات من قبل يكمل
ولامات نورالقلب لاترتجي شي
---------------
>>( الذكريات القديمه )<<

قلبي تعب معاد يقوى على جراح
يكفي تحملت الجروح الأليمة
ودك تجدد كل جرح ٍ مضى وراح
ودك تعيد الذكريات القديمة
لا ماتحمل تجرح القلب ياصاح
أقول يمكن في فراقي غنيمة
يمكن بعد فرقاي تسعد وترتاح
دام الهوى ماعاد له أي قيمة
---------------

ِانا وشلون أبتغلى وكل اللي معي يفداك
وأنا وشلون أناديلك ومثل الروح تسكني
وصفتك للخيال .. وفز من طوله يبي لقياك
وترى عن وصف باهر وصوفك عجز فني
حبيبي وين أدورلك شبيه بس في طرياك
وأنا ياوين ألقى لك كلام بك يجملني
أبسكت دام كل اللي بقوله فز وجاك
تصور هالكلام اشلون من حبك هرب مني
رحمت البدر بوجودك
حشا ماهوب متهني
------------
ماحلا كلمة هلا اللي من لسانك
تعطي الروح العليله معنويه
ليتني حنى تخضب به بنانك
أو روايح عطر في خدك زكيه
أو قلم تستخدمه في امتحانك
وأنت تدرس في الصفوف الجامعيه
آه ليته يجتمع شاني وشانك
كان أعيش العمر في دنيا هنيه
------------
حيا الله اللي مسكنه داخل الجوف
اللي على العرش المحبه تعلا
لو أن مقياس الغلا هرج وحلوف
حلفت لك بالحب حتى تملا
أن كان مايكفيك قلبي خذ الشوف
تفداك عين اللي لهرجك تمنا

احبك كثر ماضمت مياه البحر شاطيها
احبك كثر ساعتي ودقايقها وثوانيها
احبك كثر ايامي كثر ماكنت اداريها
باختصار:
ترى الدنيا بلا صوتك يتم الحزن يطويها
مثل غيمه ابت تمطر على الدنيا وتحييها
-------------
[عندما احسب ايامي عمري ريما اشتاق شيئا من شذاكم
ربما بكي لاني لااركم ويضيق صدري بعبرات عين تتمنى رؤياكم
انما في االعمر ايام هي عندي اغلى واثمن من كل عمري
هي ايام احسست فيها اني عشت نجما في سماكم
عشت طفلا صغيرا قد استأنس القرب منكم ويهواكم
عشت لأبقى فنانا يرسم في لوحاته ذكراكم
أخبروني بعد هذا كيف اعطي القلب يوما لسواكم
-----------
ياهي كثير أوقات يحرجني الوفا00
لاصرت أقصر في سؤالك وانا أغليك!!
الله أعطاني قلب صادق مانسى00
والله عطاك الطيب من هو يضاهيك00
ياصاحبي مادام يجمعنا الغلا
وشلون ابقسى دام لي قلب يغليك،،،
----
لا تحسبني ياهوى البال ناسيك.......لا والذي سخر جميع الجبالي
أني على بعدك أبكي وأحاتيك........وعودت عيني للسهر في الليالي
ولا تحسبن قلبي من البعد ساليك.....لا والذي رب المخاليق عالي
أنت الوحيد اللي من الناس مغليك ......وأنته حبيب القلب مهما جرالي

-----------
قالو ضعيفة عزة النفس فيني قلت
المحبة تجبر أحساس ولهان ....ماقدر
أفارق من سكن وسط عيني ....ببقى معه
وأرضيه لو كان غلطان ....سلمت له عمري
وباقي سنيني وببقى على عهده ولاني بخوان
-------

لا ضاق صدرك بالليالي الشديدة و
الناس صدو في نهار المروات خذني
يمينك لو دروبك بعيدة لوأن آخرتي بين
الأموات لك صاحبن لجلك رضا
بالجريدة ينكتب أسمه في صفحة الوفيات

--------

يا صحبة في الله تحلو الحياة بهم..
وينجلي الهمها والجرح يندمل..
لي أخوة حبهم في الروح متصل..
والفكل فيهم وإن غابوا المنشغل..
فارقتهم جسدا والقلب بينهم..
والشوق في قلبي يخبو ويشتغل
-----
أعاهدك بابقى أناوإنت خلان
ودرب المحبة يالغالي ندله
ياصاحبي خل المحبة لناإنسان
إنسان مايرضى بحكم المذلة
بابحرأنا وإياك من دون ربان
نمشي ببحر فيه الأشواق فلة
أنا معك والبحر والغيم خلان
مانفترق..لو كلن يموت بمحله

------------
جاري تحديث الرسالة .. ولاعليك من الرســـــــاله ,,
المهم .. إن .. الرسالة ... كلها .. تكشف ... غــــــلاك !!
إنت .. ياأول .. من ملكني .. وأعلن بقلبي إحتلاله ,,
لي ثلاث أيام .. وقلبي .. فاقده ... لايكون .. جـــــاك ؟؟

أتمنى ان تنال على إعجابكم ,,

برافو يعطيج الف عافيه كلام و لا اروع فعلا كلا جميل جدا يعطيج العافيه

الله يعافيك يا رب.. وأشكرك على ردك العطر ..ويشرفني اعجابك وردك على الموضوع ..منور

خوووش شغل روووووووعه بصراحه

الروعه ردك ومرورك ..
نورت الموضوووع

غلطانه أمي يوم على الطيب ربتني
تحسب ناسي مثل ناسها طيبين
قالت سامح كل من عليك يخطي
الناس تخطي وهم عن القصد ساهيين
مسكينه أمي من غير قصد ظلمتني
ما درت إن الطيب وحده المسكين
هذا يا يمه واقع زماني
نفس إلي ضحك اليوم ،،بكره يطعن بسكين

ابداااااااااااااع والله ... فعــلا من قمة الروعه ... الله يعطيج الف عافيه ... فعلا مميزة وانا اعتبرج من اللحظة هذه ممــيزة وعساج عالقوووة ... ولا تحرمينا من مواضيعج وان شاء الله نـنــنــظــر جــديــدج :)

تسلم اخوووي
على راسي والله ..تشرفت بردك
شاكرتلك ردك ومرورك العطر
نورت الموضوووع

ياخوي احمد توك تدري انه شوشو مميزة اهيا من زمان مميزة ووحش
من اليوم لازم نسميها الكبيرة

تسلم اخووووي كلك ذوووووق والله مادري شقولك احرجتوني بكلامكم .. Embarassed

يسلموووو على كل شي ..