قسم بالله ما انساك ولو هالكون ينسونك

قصيدة اعجبتني حيل وحبيت أنقلها لكم ,.,
انشالله تعجبكم..

تمنيتك علي تقبل أشوفك مبتسم فرحــان

وأشوف أهلك يغنوا لك ولدروبي يزفونك

وتزيد بقلبي نبضاته ويحمر وجهي الخجلان

ويرعش جسمي بقدومك وأقول امشي على هونك

واملاك السما تحفك بنور الرازق المنان

عليك اسم الله يالغالي وعمت عين اللي يحسدونك

تسابق لجلي خطواتك تجيني محترق لهفان

وأحط يدي على قلبي واقوله جاك مفتونك

وتفتح طرحتي بيدك وأتوه بسحرك الفتان

ياعمري والله خجلانة وميته بنظرة عيونك

يريحني كلامك لي ياما حلا ليلة العرسان

وتعاهدني بتوفي لي وأعاهدك أني ما أخونك

مضى عمري وأنا احلم وأظم طيوفه بالأحضان

واسأل ليلى يا ليلى شسويتي بمجنونك

تحقق نصف حلمي بك وشفتك مقبل وفرحــــان

وشفت اهلك يغنوا لك وللحلوة يزفونك

خنقت بنفسي عبراتي وخنقني قلبي الغيران

وحبست دموعي في عيني وقلت يارب عونك

فضحني صوت شهقاتي ورجيت الواحد الديان

يخليها ويقدرني أضمّد جرحي من دونــــــــك

وأنا منهو يهنيني ويداوي قلبي الوجعان

رحلت وربي ما ضنيت مصيري غيري تصونك

يقولون ادفني ذكراه وانسي اللي كان

قسم بالله ما انساك ولو هالكون ينسونك

أنا مابي مهر منك ولا شبكة ولا فستان

طموحي احتضن حزنك وازين بالهنا كونك

غناتي ليه تاخذها وتشمت فيني العدوان

وش اللي ساومك فيها وصغر شخصي بعيونك

وش اللي مو حلو فيني؟! كسرت بخاطري يافلان

خبرزواجك قضى فيني هلكت قليبي بطعونك

يهون عليك ترخص بي وتجازي طيبتي بنكران

عشقت اهلك على شانك ولمت اللي يلومونك

أسفه والله أسفه مكتوب أهيم بسكة الأحزان

ومكتوب تلقى بنت ناس تعيش بدالي في كونك

ياشين اللحظة ذي والله تمنيت ألبس الأكفان

وأشوف الظلمة في قبري ولا بغيري يهنونك

يارب ارجوووك خذ روحي ونادو يا هلي الدفّان

ابيك تعرف قدري بموتي وتدمع لجلي عيونك

بذاك الوقت أبي امسح دموع الغالي بأكفاني

دموعك أغلى ما عندي يامالك كل وجداني

فراق أهلي وزواجك موت ، ودمعك موتي الثاني

عهد في قبري ما نساك تعال وزورني عاني

الله يعطيج العافيه اخت شوشو على هذه المشاركه الطيبه

دموعك أغلى ما عندي يامالك كل وجداني

فراق أهلي وزواجك موت ، ودمعك موتي الثاني

عهد في قبري ما نساك تعال وزورني عاني

ابدااااع قصيده جدا رائعه تسلم ايد اللي ناقلتها ويعطيج العافيه وعساج عالقوة وان شاء الله ننتظر جديدج :)

تسلمووون على ردودكم اللي زادت الموضوع روعه واضافت نور على الموضوووع ..
تشرفت بردكم

قسم بالله ما انساك ولو هالكون ينسونك

أنا مابي مهر منك ولا شبكة ولا فستان

طموحي احتضن حزنك وازين بالهنا كونك

غناتي ليه تاخذها وتشمت فيني العدوان

الله يعطيج العافية يااارب على هالمواضيع الشيقه صج امتعتينا بمواضيعج ومنها للاعلى يارب

تسلم والله يالشاعر كلك ذووق..بصراحه اشكرك على تشجيعك لي
وابشر يالجديد:)
شاكرتلك ردك ومرورك العطر والمميز
نورت الموضووع

الله يسلمج وهذا الصج لانه انتي دايما تتحفينا بمواضيعج العطرة واصايرة انتي بصراحه نور المنتدى ومواضيعج الحلو فيها انها دايما تكون شيقه وتعجبني بصرااحه مواضيعج
الله يعطيج العافية keep it up

تسلم اخووي والله مادري شقولك ..
الله يعافيك يا رب .. وشاكره تشجيعك لي اخووي

ابيك تعرف قدري بموتي وتدمع لجلي عيونك

بذاك الوقت أبي امسح دموع الغالي بأكفاني

دموعك أغلى ما عندي يامالك كل وجداني

فراق أهلي وزواجك موت ، ودمعك موتي الثاني

عهد في قبري ما نساك تعال وزورني عاني

راح ارد على موضوعج مره ثانيه واقوول انا راح اشجعج وانتي فعلا تستاهلين كل الخير يا شوشو ... ويعطيج الف عافيه على المواضيع اللي تتطرحينها وان شاء الله ننتظر جديدج :):)

تسلم اخووي
والله تشرفت بردك ومرورك ..
على راسي والله مرورك للمره الثانيه
نورت الموضووع اخوي
حياك الله

ولوووو حبوبه تستاهلين كل خير وان شاء الله للأعلى
وننتظر جديدج :) :$:$