ابيات اعجبتني و انشاءالله تحوز على اعجابكم

ابيات اعجبتني و انشاءالله تحوز على اعجابكم

:
:
:

ابي ابكي من الضيقة وابعزف للهموم ألحان

أبي اطلق مواويل الحزن وبطرح كل دواويني

..
..

أبي أشكي أبي احكي ابوصف للبشر حرمان

أبيهم كلهم يدرون أبيهم يشعــــــــــروا فيني

..
..

أبي لا من طرى اسمي بكى من لوعتي شيبان

أبي لامن طرى"عاشق" ذكر من كان يغليني

..
..

أبيهم يذكرون أني صرت بدمعتي غرقــان

أبيهم يعرفون الهم هواللي صار يخاويني

..
..

أبي أصرخ وأبلغهم وأقول أن الفرح خوّان

يجي مرة معاي و هو طول العمر ناسيني

..
..

أبي اترك لهم قصة وأخيّرهم على العنوان

يسمّوا "حزن " يحطوا "دمع"..ما عاد يعنيني

..
..

أبي لامن وصل صوتي يحس بضيقتي إنسان

أبي لامن نزف جرحي لقيت اللي يداويني

..
..

أبيه لمركبي مرسى وأبيه لغربتي أوطان

أبي لامن ذرفت الدمع لقيته لي يعزّيني

..
..

أنا ما أبيه يصبح ضلع أبيه يكون لي ضلعان

أبي لا من مشيت وطحت يحط يديه في يديني

..
..

إلا من خانني التعبير أبيه يكون لي لسان

أبي لامن سكتْ ألقاه ..يفهم من نظر عيني

..
..

أبي لا من تعبت وضقت يلم الروح بالأحضان

أبيه يكون لي كتاب إذا ضاعت عناويني

..

أبي أشعل شموع الحب وبأعطي من الغلا بستان

أبــي أهـديـه بـاقـة ورد .. مـسـقـيـهـا شـراييني

"

دمتم بود و محبــــــهـ

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني
روووووووووووووووووووووعه

الروعه ردك ومرورك ..نورت الموضوووع اخوي الشاعر

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني
أبي أشعل شموع الحب وبأعطي من الغلا بستان
أبــي أهـديـه بـاقـة ورد .. مـسـقـيـهـا شـراييني

صح لسـانج ويعطيج الف عافيه وعساج عالقـووة
يا افضـل عضوه بالمنتدى شعر جدا جدا من أروع ما يكون
وان شاء الله ننتظر جديدج :) :)

والله مادري شقولك كلامك احرجني وبقمة الروعه ..
شكرا اخوووي على هالكلام ..
نورت الموضووع
شاكرتلك ردك ومرورك العطر

الله يسلمج ولوو تستحقيقن انج تكونين مميـزه ...
وعلى فكــره انا اعتبرج انت من افضل البنات بالمنتــدى
ليش لانج تطرحين مواضيع حلووه...
وان شاء الله ننتظر جديدج ولا تحرمينا من مواضيعج
لانه مواضيعج نور المنتدى
وبصراحــه راح يكون تواصلي مستمر ويااااج يا اختي شوشو

عساج عالقوووة ويعطيج الف عافيه على المجهود اللي تبذلينا بالمنتدى

تحياتي وتمنياتي لج :- A7maD_Q8

تسلم أخووي أحمد ..ما قصرت والله