حريص القلب ما ينسى عيونك لا توصيني

تصدق وإلا ما تصدق أنا عاجز عن التفكير
تعال وشوف في عيني غيابك وش عمل فيني

حبيبي ما بقى عندي صبر يتحمل التأخير
رحلت وعقبك الدنيا غلاها طاح من عيني

أجاوب اللي يسألني عن أخباري وأقول بخير
وأنا لا خير بغيابك ولا حاجه تهنيني

على طاريك كل لحظه ولا احتاج للتذكير
حريص القلب ما ينسى عيونك لا توصيني

محد يقدر يعوضني لانك في عيوني غير
ومهما شفت أنا الفرحه بدونك ما تسليني

وكيف الحال وشلوني جواب ما يبي تفسير
بدونك إنت ما تضحك حياتي وترمش سنيني

مثل شاعر عجز يوصف شعوره وخانه التعبير
أنا ضايع ولا ادري من فراقك أنا ويني

مثل طير كسر بعدك جناحه وما قدرت اطير
أحاول ابتسم وانسى ولكن وش ينسيني

اشوفك في صباحي انت معنى يا صباح الخير
واشوفك في مسائي حلم وردي لا تصحيني

تصدق السهر يرسم عيوني ويتقن التصوير
ويشق النور في صفحة حياتي وما الاقيني

أنام شلون ومشكلتي عجزت ألقى لها تدبير
طلبت النوم لحظاته وعيا النوم يعطيني

تغير وجهي من أول غيابك و ابتدي التأثير
حبيبي من التعب كافي خذيت اللي يكفيني

يا أغلى من رحل عني يا كل الحب و التقدير
تعال إن كان لي عندك معزه وكان تغليني

تعال إن كنت تعشقني وإذا فعلا تبي لي خير
تعال ومد لي كف الوصل وأمد كفيني

إذا كان الجفا واجب بدى من قلبي التقصير
أبيك ألحين ترجع لي ولا ترجع تخليني

أنا ما أقول اللي صار فيني ما هقيته يصير
لأني كنت متأكد بأن البعد ينهييني

تعال إن كنت تعشقني وإذا فعلا تبي لي خير
تعال ومد لي كف الوصل وأمد كفيني

اكثر من روووعه بصرااحه
الله يعطيج العافية يارب

الله يعافيك
الروعه ردك ومرورك
نورت الموضوع اخوي

اشوفك في صباحي انت معنى يا صباح الخير
واشوفك في مسائي حلم وردي لا تصحيني

ما شاء الله ... كلمات روعه الله يعطيج العافيـه ... وان شاء الله ننتظر جديدج يا المميزه

تسلم اخووي
شاكرتلك ردك ومرورك العطر
نورت المووضوووع
لا تحرمنا ردودك :)

» متى أخر مرة غسلت عيونك ؟؟ نعم عيونــك !!
» وربي بتدمع عيونك بحب عنه ماتدري..
» سكر عيونك ..سكرتها!! هذي حياتي بلياك
» أشعر إن عيونك.. الله ما خلقها إلا عشاني
» لحظات وفاة النبي صلى الله عليه وسلم ولها اثر عجيب في القلب