لاهنت يا راس الرجاجيل لاهنت ** ولا هان راس في ثرى العوج مدفون
والله ماحطك بالقبر لكن امنت ** للي جعل دفن المسلمين مسنون
منزلك ياعز الشرف لو تمكنت ** فوق النجوم الي تعلت على الكون
سكنت دار المجد ياشيح واسكنت ** شعبك معك في منزل العز ممنون
صنت العهد ياوافي العهد ماخنت ** علمتهم شلون الاشراف يوفون
كم ضالم عاداك واعفيت واحسنت ** واخلفت ضن جموع ناس يضنون
شلت الامانه حافظ ما تهاونت ** شفنا بك رجال على الحق يقوون
يلي طلبه الملك بالحب زينت ** عرشك بتاج قلوب شعب يحبون
لونت تاج الملك ما قد تلونت ** ماغرتك دنياك ماصرت مفتون
بالزهد والمعروف والصبر كونت **منهاج فيصل منهج الي يعرفون
تلفتت روس المخاليق وين انت ** وين العظيم وعود الشوف مطعون
كم خافق وقف عقب ماتكفنت ** وكم ناضر ذوب سواداه مطعون
لو شفت حال الناس عقبك تبينت ** مقدار حب الناس للي يودون
اما بقلبي قلت يابوي وين انت ** ولا انت فوق القول مهما يقولون